परदेशी शैक्षणिक अभ्यास दौऱ्यासाठी इच्छुक शिक्षक/अधिकारी यांनी स्वखर्चाने जाणेसाठी अर्ज

महाराष्ट्र शासन शिक्षण विभाग यांनी महाराष्ट्रातील शाळा या आंतरराष्ट्रीय दर्जाच्या व्हाव्यात व त्यासंदर्भात माहिती व्हावी यासाठी परदेशातील काही शिक्षणप्रणाली व तेथील शाळा यांचा अभ्यास करणे आवश्यक आहे.महाराष्ट्र राज्याचे प्रधान सचिव मा. श्री.नंदकुमार साहेब यांनी यासाठी अनोखी कल्पना मांडली.आजपर्यंत फक्त काही दर्जाचे अधिकारीच शासकीय खर्चाने परदेश दौरा करत होते.हा जरी शासकीय खर्चाने नसला तरी ज्या शिक्षकांना अशा प्रकारच्या आंतरराष्ट्रीय दर्जाच्या शाळा बनवायच्या आहेत पण त्या संदर्भातील सर्व माहिती उपलब्ध नाही अशा शिक्षकांसाठी शासनाने स्वतः पुढाकार घेऊन हा परदेश दौऱ्याचे आयोजन केले आहे.त्यातील पहिली तुकडी आता सिंगापूर दौऱ्याला रवाना सुद्धा झाली.

यासाठी काय काय करावे?
जर आपण शिक्षण विभागाशी निगडीत असाल आणि तुमची तीव्र इच्छा असेल तर खाली दिलेला फॉर्म भरा.
https://www.research.net/r/teacherstudytour

सदर studytour साठी चा जो खर्च आहे तो प्रत्येकाने स्वतः करावयाचा आहे पण या अभ्यास दौऱ्याचे सर्व नियोजन महाराष्ट्र शासन करणार आहे.त्यामुळे कोणाचीही धावपळ होणार नाही.

विभागीय शिक्षणाची वारी 2016 पुणे , नागपूर व औरंगाबाद येथे..

‘शिक्षणाची वारी’ यंदा पुणे, नागपूर औरंगाबादमध्ये होणार
मुंबई, ३ नोब्हेंबर : प्रयोगशील आणि कृतीशील शिक्षकांना त्यांच्या गुणवत्तेला व्यासपीठ मिळवून देण्यासाठी शिक्षण विभागाने सुरु केलेला 'शिक्षणाची वारी' हा अभिनव उपक्रम नोव्हेंबर-डिसेंबरमध्ये पुणे, नागपूर व औरंगाबद येथे तीन टप्प्यात आयोजित करण्यात आला आहे. पहिल्या टप्प्यात पुणे येथे २८ ते ३० नोव्हेंबर, दुस-या टप्प्यात नागपूरमध्ये १२ ते १४ डिसेंबर आणि तिस-या टप्प्यात औरंगाबाद येथे २३ ते २५ जानेवारीमध्ये होणार आहे. शालेय शिक्षण मंत्री श्री. विनोद तावडे यांच्या संकल्पनेतून साकारलेल्या पुण्यातील शिक्षणाच्या वारीला शिक्षकांसह नागरिकांनीही उदंड प्रतिसाद दिला होता. दररोज १८०० शिक्षक याप्रमाणे साडेसात हजार शिक्षकांनी वारीला भेट दिली होती. या शिक्षकांव्यतिरिक्त प्रयोगशील-कृतीशील व हौशी शिक्षकांसह सुमारे १० हजार शिक्षणप्रेमींनी वारीचा लाभ घेतला होता. शिक्षणाच्या वारीत खाली नमूद केलेल्या लिंकमधील विषयांवर आधारित निवडक ५० प्रयोगशील शिक्षक सहभागी होतील. या प्रयोगशील शिक्षकांना तिन्ही ठिकाणच्या वारीत आपले प्रयोग सादर करण्याची संधी मिळणार आहे. शिक्षकांनी त्यांच्या शाळेत, तालुक्यात, जिल्ह्यात राबविलेले नाविन्य उपक्रम आम्हाला पाठवा. आम्ही तुम्हाला ते राज्य पातळीवर नेण्याची संधी देवू. या लिंकवरील फॉर्म भरून https://www.research.net/r/wari2016 आपला सहभाग नोंदवावा.

Whatsapp वरून साभार...